«Олоҥхону олук оҥостон» күрэх
- dstyelba
- 6 февр. 2021 г.
- 1 мин. чтения
Улуу Олоҥхо эйгэтигэр оҕону сахалыы тыыҥҥа иитиигэ-үөрэтиигэ улахан кылаатын киллэрбит, Олоҥхону толорууга ураты суоллаах-иистээх талааннаах уһуйаан, киэн туттар педагогпут Ефросинья Васильевна Соколова аатынан Олоҥхону толоруу күрэҕэ 2010 сылтан аҕыс төгүл ыытылынна. Кини аата сылтан сыл ахтылла, саҕалаабыт үлэтэ умнуллубакка үйэтитиллэн биһиэхэ үтүө өйдөбүл буолар.
Быйылгы үөрэх дьылыгар үгэс буолбут “Олоҥхону олук оҥостон” диэн күрэхпит 9-с төгүлүн олунньу 24 кунугэр Нам сэлиэнньэтигэр тэриллэр. Күрэххэ оскуола уонна оскуола иннинээҕи саастаах оҕолор кытталлар. Эдэр олоҥхоһуттар үгэс буолбут ньыманан биирдиилээн уонна бөлөҕүнэн толорууга күрэхтэһиэхтэрэ. Кыайыылаахтарга Ефросинья Васильевна оҕолоро, аймахтара кини аатынан бириэмийэни, бириистэри туттарыахтара.
Тэрийээччи: Намснааҕы “Түөлбэ”Оҕо Киинэ.
Ыытаачы: Потапова Ольга Ивановна. Билсэр телефоҥҥүт: 89248606851.
Kommentare